Kuŝbicikloj de 26-colaj radoj

Enhavo:

Listo de kuŝbicikloj havantaj du 26-colajn radojn.

Sekva paĝo: Malpermesite venki: La historio de la kuŝbiciklo

Kiam mi ekigis mian unuan projekton konstrui kuŝbiciklon, mi nur du ideojn havis klaraj: ĝi estu de mallonga tipo, kaj ĝi havu du 26-colajn radojn, kio estas ordinara mezuro ĉe ĉiaterenaj bicikloj.

Mi preferis mallongan kuŝbiciklon por pli facile ĝin porti trajne, buse kaj metroe. Longaj kuŝbicikloj tre pli longas ol ordinara biciklo, kio malfaciligas transporti ilin.

Pri radmezuro: mi ne volas porti du malsamajn kromajn aertubojn, nek limigi elekteblojn kiam necesos akiri radbendon (radbendoj pli malgrandaj ol 26-colaj estas ne multaj).

Plej multaj kuŝbicikloj havas antaŭan radon pli malgrandan ol malantaŭan, ĉar tio ege faciligas dezajni kadron, stirilon, transmision kaj sidilpozicion. Tamen ekzistas modeloj de du samgrandaj radoj, el kiuj modeloj iuj malmultaj havas 26-colajn radojn.

La unua modelo tia kiun mi rete trovis estas Flevobike, biciklo de antaŭarada tirado kaj originala stirsistemo; tiu biciklo havas multajn versiojn de kiam oni ĝin inventis. Dua modelo estas Optima Condor, belega kuŝbiciklo, ideala por longaj dusakaj vojaĝoj.

Jena listo montras ĉiujn mallongtipajn modelojn 26-col-radajn kiujn mi konas.

La fotojn mi prenis el la retpaĝoj menciitaj kun ĉiu modelo.

Azub Hardcore